أهلاً.. كيف الحال ؟
كيف حبيت القراءه والكتب بعد ما كنت ما اطيقها ابداً.
قبل سنتين تقريبا ، فترة من الفترات صاروا بنات فصلي يجيبون كتب وروايات يقرونها في وقت فراغهم في المدرسه و اذا انتهوا من قراءة الكتاب كل وحده تستعير كتاب الثانية تقراه وترجعه لصاحبة الكتاب ، المهم اني كنت اقولهم كيف تحبون تقرون مع نفسكم ، ومن هذا الكلام لما جاء يوم قلت فيه لنفسي ليش ما اجرب اقرا كتاب واشوف اذا القراءه فعلا حلوه ولالا !
قويت نفسي وقريت كتاب كان رواية اسمها (ساق البامبو) للي ما يعرفها هي صفحاتها فوق 300 وللمعلومية انا ما قريت كتاب قبله الا كتاب مذكرات طالب المؤلف جيف كيني ومين ما يعرف سلسلته!! قريت الجزء الاول بس (اللي غلافه لونه احمر) .
المهم انتوا اكيد بتقولون مجنونه!! يعني اول روايه اقراها صفحاتها فوق 300 ! بتتوقعون اني كرهت الروايات بعدها؟؟
بالعكس حبيييييت الكتب والروايات بعد ما قريت هذي الروايه والصراحه احمد الله اني اخترت اقرا هذا الكتاب هو اللي حببني بالكتب ، الروايه كانت من افضل الروايات اللي قريتها بحياتي وانصحكم تشترونها .
هذي صورة الغلاف .
ترا تدخلون جوو معاها مرره حلوه .
المهم اني لما الحين اشتري كتب وخاصه الروايات وابشركم قريت كل سلسلة مذكرات طالب .😄
وراح انزل كل كتاب قريته واعجبني ان شاء الله والكتب اللي شريتها من معرض الكتاب .
جربوا تقرون كتاب بس اختاروا اللي عليه مدح كثيير عشان ما تكرهون الكتب على طول واختاروا الكتب اللي تناسب لميولكم
وبس :)
اتمنى لكم يوماً سعيداً♥
حمستيني اني ابدا اقرا :)
ردحذف